ಶಿರಸಿ: ನಗರದ ಮಾರಿಕಾಂಬಾನಗರದ ಹಾಲುಹೊಂಡ ಬಡಾವಣೆ ಗಾಯತ್ರಿ ಗೆಳೆಯರ ಬಳಗದಲ್ಲಿ ಅ.13 ರವಿವಾರ ಬೆಳಿಗ್ಗೆ 10.00 ಘಂಟೆಯಿಂದ ಸಂಜೆ 5.30 ರವರೆಗೆ ವಿವಿಧ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿದೆ ಎಂದು ಬಳಗದ ಸಂಚಾಲಕ ವಿಶ್ವೇಶ್ವರ ಗಾಯತ್ರಿ ತಿಳಿಸಿದ್ದಾರೆ.
ಸಾಹಿತಿ ಜಿ.ವಿ.ಕೊಪ್ಪಲತೋಟ ಅವರ ಬೇರು-ಕಾಷ್ಠ ಕಲಾಪ್ರದರ್ಶನ ಹಾಗೂ ಖ್ಯಾತ ಚಿತ್ರ ಕಲಾವಿದ ಗ.ಮ.ತುಂಬೆಮನೆ ಹಾಗೂ ಶ್ರೀಮತಿ ಜಯಾ ತುಂಬೆಮನೆ ಅವರ ಕಲಾ ಸಂಗಮ ಚಿತ್ರಕಲಾ ಪ್ರದರ್ಶನ ಏರ್ಪಡಿಸಲಾಗಿದೆ.
10.30 ಕ್ಕೆ ಡಾ.ಅಶ್ವತ್ಥ್ ಹೆಗಡೆ ಇವರಿಂದ ಮಧುಮೇಹ ಹಾಗೂ ಸೂಕ್ತ ಆರೋಗ್ಯಕ್ಕಾಗಿ ಜೀವನ ಶೈಲಿ ಮತ್ತು ಯೋಗ ಆರೋಗ್ಯ ಸಲಹೆ ಕಾರ್ಯಕ್ರಮ ಇದೆ. ಅಂದು ಅಪರಾಹ್ನ 3.30 ರಿಂದ ಖ್ಯಾತ ಛಾಯಾಚಿತ್ರ ಗ್ರಾಹಕ ನಾಗೇಂದ್ರ ಮುತ್ತಮುರ್ಡು ಅವರಿಂದ ಫೋಟೋಗ್ರಫಿ ಕುರಿತು ಕಾರ್ಯಾಗಾರ ನಡೆಯಲಿದೆ. ಸಂಜೆ 5.15ಕ್ಕೆ ಜಿ ವಿ ಕೊಪ್ಪಲತೋಟ ಹಾಗೂ ಗ.ಮ.ತುಂಬೆಮನೆ ದಂಪತಿಗಳಿಗೆ ಸನ್ಮಾನ ನಡೆಯಲಿದ್ದು, ಮುಖ್ಯ ಅತಿಥಿಗಳಾಗಿ ಖ್ಯಾತ ಸಾಹಿತಿ ರಾಜೀವ್ ಅಜ್ಜಿಬಳ ಆಗಮಿಸಲಿದ್ದಾರೆ.
ಅಧ್ಯಕ್ಷತೆಯನ್ನು ಖ್ಯಾತ ಸಾಹಿತಿ ಸುಬ್ರಾಯ ಮತ್ತೀಹಳ್ಳಿ ವಹಿಸಲಿದ್ದಾರೆ.
